Семинар за водачи (април 2007)

МАТКА - Семинар за применети алпинистички техники за кандидатите за водачи во планина во рамките на проектот "Патеки на комуникацијата".

Во периодот од 19 до 22 Април 2007 година на Матка се одржа третиот овогодинашен семинар со кандидатите за водачи во планина во рамките на проектот "Патеки на комуникацијата" организиран од страна на Центарот за стручно оспособување при Федерацијата на планинарските спортови на Македонија и канцеларијата на OSCE во Република Македонија.

За време на практичната обука кандидатите се обучуваа за примена на одредени алпинистички техники во планинарството, а во рамките на теоретската настава се одржаа предавања за основите на планинарскиот тренинг, за медицинските проблеми на големи височини, за карактеристиките на биодиверзитетот во Република Македонија со осврт на биодиверзитетот на Матка, за можностите на планинскиот туризам во Република Македонија, како и воведно предавање за запознавање со спелеологијата како наука и дејност и нејзините перспективи во нашата земја.

На крајот на семинарот сите кандидати во "паралелна наврска" ја минаа така наречената "Овчарска" насока која се протега по должината на јужниот гребен над манастирот Св. Никола до платото над манастирот. Сите кандидати успешно ги совладаа предвидените работни содржини, со што уште еднаш потврдија дека оваа генерација на водачи во планина успешно ги совладува наставните содржини во програмата изработена според стандардите на UIAA .

Наредниот семинар ќе се одржи во втората половина на месец Мај оваа година.

Константин Циривири

Подготовки пред заминување на теренска работа

Кандидатката Санела Силјановска во насоката "Мал Камин"

Инструкторскиот тим со контролорите од OSCE

Кандидатката Светлана Стојановска од Струга во "Дилферово седало"

Движење во наврска во "Овчарската" насока

Движење во наврска во "Овчарската" насока

Движење во наврска во "Овчарската" насока

Движење во наврска во "Овчарската" насока