Извештај од алпинистичкиот табор на Пилав Тепе (12-13 април 2008)

Поголемиот дел од членовите на АД "Матка" пристигнаа во текот на денот во Петокот и беа добро пречекани од домаќинот на таборот Зоран Мајсторски во просториите на новиот планинарски дом кој е сеуште во изградба, но сепак нуди услови за неколкудневно сместување. Дел од членовите се сместија во домот, а другите продолжија кон подножјето на карпата каде поставија два шатори.

Според очекувањата требаше да имаме добар викенд со врнежи во недела, но сепак времето не послужи и имавме одличен ден за качување и во Неделата.

Качувачката акција започна рано во Саботата околу 7:00 часот. Се разбудивме и уживавме во одличното време и некаде околу 8:15 се собраа сите ентузијасти под карпата и качувањето можеше да започне. На располагање ја имавме целата карпа со сите одлично исклинчени насоки, повеќето од клиновите беа експанзиони што ни влеваше дополнителна сигурност но воедно и можност и помалку искусните да искачат некоја насока.

Почнувајќи од десно кон лево на локалитетот беа искачени насоките: Бомбона, Атис, Два Роберта, Младина, Ракета (на која за прв пат беше поставено сто метарско јаже за брзо абзел спуштање од насоките), Александар, Левичарски, Ајс, ГеТеЗе, и двете нови насоки на помалата карпа - Мала централа и Катанга. При тоа имаше и поставено јаже од горе (top rope) на Бозо и другите насоки од тој сектор каде што качуваа помладите членови.

Во саботата имаше силен ветар кој им даваше дополнителна тежина на насоките и ни овозможи да направиме одличен тренинг и во поекстремни услови, сепак чувството беше одлично.

Дружењето продолжи и после крајот на качувачкиот ден, и секој се релаксираше на свој начин, поголемиот дел од членовите гледаа филмови од големите искачувања околу што се отворија широки теми на разговор.

Наредниот ден во очекување на дожд и полоши услови на качување добивме изненадувачки добро време со посмирен ветар и одлични услови за качување и забавата можеше да продолжи.

Учесници од АД “ Матка ” :

Илија Циривири

1. Владимир Цветкоски
2. Жикица Ивановски
3. Никола Андоноски
4. Ристе Калинов
5. Славчо Утковски
6. Стефан Баневски
7. Панде Фармаков
8. Ненад Радевски

Наврски и искачени насоки:

Владимир Цветкоски