Алпинистички табор "Плоча" (Октомври 2008)

Таборите на Плоча се речиси секогаш најпосетени. Така беше и овој пат. Околу петнаесетина луѓе што и не е некоја голема бројка. Како повод за овој табор го имавме и отварањето на првиот алпинистички дом кој се наоѓа во подножјето на самата карпа и во овој момент може да прими околу петнаесетина луѓе што беше сосем доволно но со дополнителното уредување неговиот капацитет би се зголемил.

Пристигнувањето беше договорено во петок со цел што поефикасно да се искористи наредниот ден, иако дел од присутните на таборот пристигнаа во сабота. Сабота понуди прекрасно време за качување иако утрото тоа не го најавуваше. Околу 8 часот се упативме кон карпата по однапред определени наврски и насоки. Качувањето се одвиваше најнормално и без поголеми проблеми. Како резултат на одличните услови кои ги имавме тој ден беа искачени сите насоки кои имаа соодветно обезбедување (експанзиони клинови). Меѓу искачените беа и насоките Квантас, Александар и Снејк кои поради тежината се многу ретко качувани но овој пат за тоа да не биде така се потрудија Боби и Панде кои успеаа да ги искачат во слободен стил. Исто вредни за истакнување се првите влегувања во алпинистичка насока на новата членка на А.Д. Матка, Елена Војновиќ, која со голема леснотија качуваше во не така лесни насоки.

Неделата исто така понуди прекрасни услови за качување кои успеавме да ги искоистиме максимално со оглед на тоа што бевме уморни од претходниот ден. И во неделата се искачија поголем дел од насоките што може да ги понуди овој локалитет. Во прекрасните услови кои ги пружа овој локалитет се уверија и гостите од Бугарија кои ја прифатија поканата да учествуваат на овој табор и притоа искачувајќи неколку насоки.

Учесници на овој табор беа членовите на Бел Камен, како организатори на таборот, А.Д. Матка и П.С.Д. Лисец. Сепак очигледно е отсуството на останатите друштва што води кон недоволна афирмација на алпинизмот пред се во Македонија.

Се гледаме на наредниот табор!

Слики од таборот може да погледнете во Фото галеријата или на линкот за нашата огромна фото галерија

Ивановски Жикица

Искачени насоки од членовите на Алпинистичкото друштво “Матка”
на алпинистичкиот собир “Плоча 2008”